大家睇唔睇到我的祝福!?

唔知係因為明白咩叫大時代變化，係人所無法阻擋。

我都是做出版，所以我明。

明雲海的難過及不憤，亦明白大家的心意。

先說，早排鍾偉明在蘋果用了三日罵被發行影響，在街買唔到書。

朋友問我係咪事實。

當然，只係為了唔想好快被人迫收書，所以有成肚火都出唔到聲。

點知，今日博益結業。

無話可說，因為我是行內人，仲有咩好講。

大家認為博益賺錢?

對一間上市又或大公司，唔係賺大錢就唔算係賺錢。

即你賺十蚊都唔算一樣，因為大公司仲有龐大的行政及宣傳費用。

呢條數好甘。        

最重要，係而家無人睇書。

再加上，書局只為了銷量而入貨，又或保護主義，非我書類休想入架，亦是一個事實。

當然，無人明我地呢d細公司有幾慘，被人當人球踢來踢去，唔再特別接自資出版，其中一個原因，就係一般人不會明白，以為你無幫佢地發書。同時，亦唔明你點求人要書，差在未跪地。

我向家中大人說，你個女都好叻。

一位普通人，無錢無背景都可以求到人比我地放書入書局。有幾多細公司，想都唔駛想。

所以，對三位作者都盡了人事。

有幾多人，真係出完書都見唔到街。^^

亦因為呢幾年捱餐死，令我明白細公司有幾慘。

但同時，亦教識我如何營運生意。

即，想搵錢就唔好印書咯!

唔係印完書就得，仲要搵人設計、編輯、運輸、會計及宣傳。若果大出版社，仲要養大堆人，每一件事都係成本，條數真係好好計。

最重要，寸金呎土的香港，仲要預留一d地方做倉，即每個月再要付一筆錢去放書存書，仲要保養!

大家咪以為掉書好容易，為了不讓別人取走書再賣，於是要將書整爛，仲要搵人拋棄。我曾經搵過環保商掉書，對方話要收我錢呀!後來搵到一間可以免費，但已令我大開眼界。

係呀!做生意樣樣都係錢，有開業有結業都是沉常事。

我想說，比起大家，我對博益的感受更深。

因為，我夠老，早於仍是TVBI時期的博益，我也一早見過了，因為當時我在香港電視而博益就在同樓。所以，博益並非今天才賣盤結業。這間出版社，一直也努力生存，對香港出版業來說，是舉足輕重。

這已很足夠!

因為，出版界有多艱辛，只有行內人才知。同時，也面對另一本書，遭遇亦是如此。

其實，做出版這盤生意已很困難，亦可以話無利可談。所以，見到《野蠻奶奶》都只係得啖笑，只是行外人一廂情願想法。

印書等於印銀紙?自從雜誌廣告價跌到$2000一版，仲有咩好講?因為被行外人搞到書刊廣告平到無命。

雖然下一步目標係做網站，但一樣有人去到免費登廣告，大家話點玩?!

只係，硬頸如我又點會咁易認輸，特別這幾年訓練我看透世情，所以更加讓我明白....天下無不散之筵席，有今日的失才有明天的得。

希望雲海可以爭取回版權，雖然很困難，因為這是一買一賣的合約，所以很困難。同時，也希望他可以取回書。

當然，不賣舊書給原作者原因之一，對方可能係大公司，根本沒必要如此做，同時，亦可能倉太大，一次過掉比再整理更不需花人手。

更重要，可能書一早已掉了也說不定，所以倪匡叔反應最正常，因為見怪不怪.....反正未來是電子書世界，一般印刷書，應在十多二十年內，變成只做貴價書或時裝設計書天下。

時代，一向是如此，只有人去適應學習順應時代。

PS.原來霑叔不文集仍是最好賣，只係.....亦成為歷史一部份。同時，雲海有一定知名道，一於去聯合啦!不用擔心無人幫你發書呀!           

呢日因為別的關係，令書遲了去發行，於是立即趕去發行補救。

工作就是如此，唔係你無問題就無問題，別人的問題一樣可以成為你問題!

請罪當然要請下午茶，撲去蛋撻王買「撻」。

因為賣晒要等佢地再整，於是四處八。

竟然見到有冰鎮奶茶及榴槤麵包。

好呀!真進步!

難怪佢地在工廠區有好多分店。

都話只要有心，鐵柱都磨成金!

*我唔食榴槤，所以唔知包既味道!不過，能夠識變通，都係好事!

*望似奶皇包多D!

*仲有冰鎮奶茶，細細樽，顏色都幾對版，下次一定要試試!

>>之前鍾偉民在蘋果罵了三天，就是有關發書問題。朋友也說，現在很多自資出版很難生存!當然，我唔想收書，所以都是小說小錯!不過，真係無位走?我又唔信!路，是行出來既!努力!

為甚麼要有食神?

當你走在街上，想找地方食飯時就知，甚麼是食神。

因為，你真係可以都係同一碗麵，但水準可以差之千里。

呢日既食神，係給我重遇夏銘記。

人生有甚麼是值得回憶?天星碼頭拆唔拆，關我同你咩事。

生活沒有實質影響，但事實係一些回憶，在拆卸後便一點不漏地消失。

望住塊爛地，你唔會再記得過去在此見到大堆新娘拍照既日子。

集體回憶，就是如此。

當然，有未來才有過去。

只係，舊都唔一定有保証，有d係無法向前行亦保持唔到水準，令人惋惜。

好好彩，呢日給我重遇你---夏銘記。

仍是那那四寶，仍是那些一堆堆又特別滑的紫菜。

仲有辣到無命培既辣椒油，以及樽庄可樂!

吃一口，喝一啖，人生也不過如此!

感謝老闆娘仍記得我，更畀面讚一句靚女咗。下次唔駛啦!心知就算，你在收銀一講，我在最尾位置一答，大家都會噴菜就唔好!

集體回憶仍在，感激上蒼，仍讓食神給我機會，再嚐夏銘記的美食!

*這是我的例牌麵，即貪心人表現。

*墨魚丸爽得想用來做火鍋。

*佢地既辣椒油，一流!夠辣又唔會有渣，頂級!

*近期戒凍飲，呢日例外，點可以唔飲可樂配四寶!

*牆上既介紹，見証呢間老店的歷史。
>>下次一定要食牛腩，好掛念呀!

夏銘記麵家
地址 : 油麻地新填地街151A(駿發花園近油麻地百老匯戲院)
電話 : 2713 4323

 兩張相，大家鍾意邊張?

我就鍾意下面張。

但上面張又無咁拆色，又靚d!

最後，決定兩張都放!

祝大家新一年更加開心快樂!天天都有食神啦!^^

 真係估佢唔到，$10四個酥(山崎買)，真係幾好食!

翌日食都仲好鬆脆!

在此祝大家日日都開心快樂!天天有食神!

我明，但星期六、日都好，都要選下午茶來食，原因價錢差好遠之外，仲因為可以食多好多唔同款式，但價錢差好遠。

好似呢間下午茶，平均二十幾蚊一個餐，特別個意粉抵食到無譜，去快餐店都食唔到。女仔，真係夠兩個人食!

呢日三個人要了四個餐再加一個麵包，就可以當晚餐食!

你明我點解成日呻貴，只是一百多小小夠三個人食有餘，平均三十幾蚊一個人。

想點?!

而時間到六時前，即五時後六時前去食都仲食到!

真係好過食正餐。

>>其實有d下午茶在星期六、日都有，真係好過食正餐!我會搵多d比大家啦!
*呢個薯仔沙律真係幾好食，後面既炸魚無咁燶，但為了前面既薯仔色，唯有犧牲佢。^^
*呢個追加既餐，因為我想食那朱古力炸多士，但最後是失望啊!麵包無味，湯粉又淡，唯獨隻雞翼可以一食，夠脆!   
     
 *另一個有湯粉及豬扒包，味道ok啦!

 *一直我認為最抵食既意粉，大碟到可以夠兩個人食!你睇，真係好大碟，再加芝士及黑椒，無敵....超肥!
*再加$10仲有大大個包，一旁既鮮茄汁，兩位大人食得好開心!^^
>>近期再食到其他抵食既下午茶，再update啦!^^

波濤餐廳
地址: 九龍葵芳新都會廣場138號舖
電話: 2856 8680

本來想喝一次熱奶，發一個美夢。

然後，一天在雪櫃發現此牛奶仍在雪櫃內。

再看期限已過了十多天!

呵~

原來，美夢是不用靠熱奶而來!

因為，沒有熱奶，我每天也仍是努力地睡一覺。

只要我願意早一點睡就好了!

可是，我此刻仍在上網.....優質睡眠，似乎仍離我很遠。

是不是要再買一包奶?

>>為何要買此雀巢低脂朱古力奶?

很簡單....因為黑色盒好high!

膚淺?我認呀!

但真係好靚呀!女人就係如此簡單!

我呢日就在星加坡餐廳等大人到時，竟然給我找到這個肉骨茶。

嘩!$18一碗咋!

於是要一碗試試。

想唔到又幾大碗，而且兩大舊肉骨，而湯亦有濃濃的藥材味!

呢個價錢，真係有d無話可說。

不過，到大人食個炒貴刁，就被評水準普通，無以前食過般美味。

而我個咖哩牛腩飯，可能係餐關係，只係得三幾件又韌又唔好食既牛腩。

至於個春卷，就....普通過普通。

唔知只係上去飲呢個湯，會唔會畀人趕?

*湯份量都，個湯都幾多油，但可接受程度!

*至於個咖哩，仲要面加紅辣油就知唔算好辛辣，但就係馬來咖哩，所以食汁就ok...唔食肉就好啦!唉~
*阿大人既炒貴刁，無晒呢類店既特色....似去茶餐廳食!

*我本來想食麻薯燒，但肉骨茶加個麻薯等於個餐，真係難選擇。

*樓下超多人既係沙嗲王，而樓上呢間都夠大亦有唔少食客，但有d侍應超遊魂，人地order既菜追完又追。而sever我地既男侍應，有d又超無禮貌，而家做食肆都幾難!

星加坡餐廳
地址:九龍旺角彌敦道655號胡社生行5樓
電話:3165 8122

之前已說過那間可以凍到令食物極速急凍的ifc canteen，這天又與母親大人來到食飯。因為時間尚早，於是向下午茶進攻。竟給我找到這個叫日式雞軟骨漢堡，當然立即要啦!

見到個包既一刻，真係有d感動。

係咪好靚?!

食味?

唔，可以講係一個漢堡包，有dd咬口。

不過，最開心都係一旁既薯仔沙律，又靚又好食!

若果冷氣不是令包涼了，相信會更好味!

*呢個係大人要的炒蘿蔔糕，味道就....普通啦!
can.teen
地址:中環ifc國際金融中心1081號舖
電話:2167 8665

母親大人說這點心很好吃。

當這蝦來到，簡直嚇死人!

長大都唔重要，最重要是那面層炸粉，其不是現成貨，而是將大塊麵糰再切成細絲。

即同樣是麵糰，但沒有再做其他加工，而是用人手切成的炸粉皮。

好處，那種爽及脆已是吃不停口，不像一般炸粉而是像在吃炸麵一樣。

再加上不油膩的口感，令人吃下去只有清爽感覺，真的超讚!

雖然食味好，蝦也夠大隻，但亦不會想這是甚麼游水蝦吧!

總之大大隻一大碟，也無話可說!

**大大堆的炸粉一點也不肥膩，而橙色的是蟹子。
**左邊的是蝦肉，沒想像中美味，也不錯!

*蝦肉打開，是不是很大件?當然是雪蝦，也不盼望有蝦味了!
二宜樓
Eryi Tower
地址 : 灣仔告士打道138號聯合鹿島大廈1樓
電話 : 2511 1228

這天見以前教會既傳道人。

傾談中講到一個月要用幾多錢先至夠。

而家既我，真係話多有多駛小有小駛。

唔一定要食松露，只要係一D自己想食既野就已經好好味。

呢日在佐敦，我點都唔肯陪老友去葵芳食飯。

食到我厭晒!

於是半拉她去呢間食米線。

好耐好耐無來。

真係開心到死!

呢個雜錦米線係我最愛，因為料多又唔肥膩。

加上我要唔辣，亦唔怕之後咳到死!

大到好似洗臉盤既米線，最後食到只係剩少少米線。

真係好滿足!

三十幾蚊買到的快樂，並不一定比三千幾蚊來得更多。

老友，當然能與你一同吃，也是快樂原因之一。

世事，不一定要貴才是好，平凡也是一種美。

*可以睇到有幾多料，而家望到都想食!可惜怕咳，所以無叫辣雞翼，亦不可惜!
*友人叫既豬潤加大腸麵，都好好味!

*加多幾蚊有杯熱檸茶....係，而家好乖只飲熱飲。

景霖正宗四川麻辣米線
地址 : 佐敦白加士街17號伯嘉士大廈地下(近寶靈街)
電話 : 2375-5699

而家去食甜品，動不動就要幾十蚊，難怪話糖水店好賺。

事實呀! 呢日同老友食糖水，佢要湯丸我要紅白。

來到，例牌我一定拍照，又紅又白好開心!

朋友就一定幫我兜起湯丸。

我以為佢係想幫我拍得好d。

佢在我拍照時，失驚無神講咗一句: 湯丸得三粒!

哈哈哈!

不愧我老友呀!

>>而家食肆多人食飯，當然貴!其中貴租外，重要是大家不惜腰間錢。

大家咁豪，當然唔介意畀多少少錢啦!

問題係....我介意又可以與那位投訴?!^^

而家去食甜品，動不動就要幾十蚊，難怪話糖水店好賺。

事實呀! 呢日同老友食糖水，佢要湯丸我要紅白。

來到，例牌我一定拍照，又紅又白好開心!

朋友就一定幫我兜起湯丸。

我以為佢係想幫我拍得好d。

佢在我拍照時，失驚無神講咗一句: 湯丸得三粒!

哈哈哈!

不愧我老友呀!

>>而家食肆多人食飯，當然貴!其中貴租外，重要是大家不惜腰間錢。

大家咁豪，當然唔介意畀多少少錢啦!

問題係....我介意又可以與那位投訴?!^^